අවුරුදු කුමාරිය

                                  
අවුරුදු උලෙල අවසන
පැවතුනු කුමරි තරඟය
දුටුවෙමි ඔබේ රුව
අදහාගත නොහී මා නෙත්


ඇඳ මල් චීත්තය
වරලස මල් ගසා හැඩකොට
මදහස නගාගෙන
ආවාය ඈ ඉඟ සුඟ නලවමින


තෙනෙන්  රන් පෙඳ  වැනී
වරලස  කිතුල් මල  මෙනි
දෙතොල් නා දලු වැනී
දිගැස් සුරඟුන් පරදතී


මිටින් ගත හැකි ඉඟයි
පියෙන් පිය නැලවෙන ඉඟයි
මුතුවන්  දසන් පෙලයි
නොදුටු නෙත් මගේ කුමටැයි


කොමල වූ වදනින්
කන්කලු සරින් ගයමින්
හැඟුම් මා පුබුදමින්
සිටියේ ඈ සැබෑ කුමරිය ලෙසින්


දුටු ඇය මන බඳින
සිතුවා කුමරිය වෙන ලෙස
දුන්නේ තෙවනි තැන
ඇස් නොපේනේද උන් හට


නැත කිසිදු වාද
ඇයයි කුමරිය බක් මාස
නොපෙනෙතත් උන් දෑස
ඔබ කුමරියයි මහද සැමදාම






ප.ලි. –  මගේ පළමු නිර්මානයයි . හොඳ නරක කියලා කොමෙන්ටුවක් දාලා . ලයික් එකක් දාලාම යන්න හොඳේ
ප.ප.ලි - පින්තූරය ගූගල් දෙවියන්ගෙන් උස්සන ලදී