.jpg)
ආ කමලා නංගියේ ඇයි මේ ?
ඕං ඇසිලිං අක්කේ අන්න බෝක්කුව යටින් පිඹුරෙක් අල්ලලාලු
අපිනම් යනවා බලන්න පොඩි එකාටත් පෙන්නන්න එක්ක වරෙන්
කොල්ලගේ අම්මලාත් නෑ බං දෙන්නත් එක්කලා ගමනක් ගිහින්
කකුල් අමාරුවත් එක්ක යන්නත් අමාරුයි පොඩි එකාගෙන් අහන්න හිටහංකෝ
කොල්ලෝ සුදු පුතේ
චිත්‍රයක් අඳිමින් සිටි උදාර දිව ආවේ විදුලි වේගයෙනි
ඇයි අත්තම්මේ
පිඹුරෙක් අල්ලලාලු උඹට බලන්න ඕනෙද ?
යංකෝ අත්තම්මේ අනේ අනේ
හා හා ඇඟේ එල්ලෙන්න එපා මං වැටෙයි හිටහං ලෑස්තිවෙලා එනකං
ටික වේලාවකින් ඉතා විශාල බිත්තර රකිමින් සිටින පිඹුරා දැක ගැනීමට පුංචි උදාරට හැකි විය
කොළපාට පොලිස් ජීප් එකකින් ආව මාමලා වගයක් පිඹුරා අල්ලාගෙන යන්නට හදනවා දුටු උදාර
අත්තම්මේ මම අතෙන්ට යන්නම් බලන්න?
අත්තම්මා උදාරගේ අතින් අල්ලාගෙන
හා හා පුතේ ඒකා ළමයිව ගිලිනවා
ඒ හඬට බිය වුනු උදාර අත්තම්මාගේ අතේ එල්ලී සිටියේ අත තදින් මිරිකාගෙනය
.jpg)
